Pevare Sul goude Pask

Publié le par Andrev

*

Pevare sul goude Pask

4th Sunday after Easter

*

Aviel

Sant Yann pennad XVI,5-14

Met bremañ ez an da gaout an Hini en deus va c'haset, hag hini ac'hanoc'h ne c'houlenn ouzhin : Da belec'h
emaout o vont? Met dre ma 'm eus lavaret se
deoc'h, he deus an dristidigezh leuniet ho kalon.
Me avat eo ar wirionez a lavaran deoc'h :
Talvoudus eo deoc'h ez afen kuit, rak mar ned
an ket kuit, ne zeuio ket ar Parakled davedoc'h;
met ma'z an kuit, er c’hasin deoc'h.
Hag hennezh o tont, a brouo a-enep d’ar bed
diwar-benn ar pec'hed, ar reizhded hag ar
varnedigezh; diwar-benn ar pec'hed, dre ne
gredont ket ennon; diwar-benn ar reizhded,
dre ma'z an da gaout va Zad ha n’em gwelot
mui ken; diwar-benn ar varnedigezh, rak
barnet eo dija priñs ar bed-mañ.
Kalz a draoù am eus c'hoazh da lavarout
deoc'h, met n’hellit ket o dougen bremañ.
Pa vo deuet hennezh avat, ar Spered
a wirionez, ho heñcho da gaout an holl
wirionez; rak ne gomzo ket dioutañ e-unan, met
kement a glev a lavaro, hag e tisklêrio deoc'h an
traoù da zont. Hennezh a roio klod din, rak
kemer a ray eus ar pezh a zo din evit en
disklêriañ deoc'h.

Komunion

Cum venerit Paraclitus Spiritus veritatis, ille arguet mundum de peccato, et de justitia, et de judicio, alleluia.

Pa vo deut ar Spered Santel, ar spered a wirionez, e tiskouezo d'ar bed petra eo ar pec'hed, ar reizhded, ar varn, alleluia.

Pour être informé des derniers articles, inscrivez vous :
Commenter cet article