Pevare Sul an Azvent

Publié le par Andrev

Sul 22 a viz Kerzu 2019

* Stumm ordinal

*Stumm dreistordinal

*

Pevare Sul an Azvent

*

Aviel Sant Vazhev

1, 18-24

Hogen, ginivelezh Jezuz Krist a c'hoarvezas evel-henn. Mari, e vamm, o vezañ grataet da Jozef e dimezi, en em gavas dougerez dre c'halloud ar Spered Santel, a-raok dezho mont da vevañ a-gevret. Jozef, he fried, dre ma oa un den reizh anezhañ, ha ne felle ket dezhañ he gwallvrudañ, a reas e vennozh d’en em zispartiañ dre guzh diouti. Divizet en devoa kement-se pa 'n em ziskouezas dezhañ dre e gousk, un Ael eus an Aotrou, a lavaras dezhañ : «Jozef, mab David, n’az pez ket aon da gemer ganit Mari da bried; rak ar pezh a zo krouet enni a zo eus ar Spered Santel. Genel a raio ur mab hag e roi dezhañ Jezuz da anv, rak eñ a salvo e bobl eus he fec'hedoù.» Ha kement-se a c'hoarvezas evit ma teufe da wir ar pezh en devoa lavaret an Aotrou dre gomz e brofed : «Setu ma vo ar Werc'hez o tougen ha ma c'hano ur mab a vo anvet Emmanuel», da lavarout eo Doue ganimp. Jozef, ur wezh dihunet eus e gousk, a reas hervez m’en devoa gourc'hemennet Ael an Aotrou: Kemer a reas e bried en e di.

*

*

* Stumm dreist-ordinal

Dominica Quarta Adventus 

Pevare Sul an Azvent

Introït

eus Izaia 45,8.

Roráte, cæli, désuper, et nubes pluant iustum.

Glizhennit, Neñvoù diwar laez, glavennit koumoul ar yon !

 

*

Kyrie

eus ar C'hiriale XVII

 

Ha setu un ton all evit kanañ ar Rorate. Kanet e vez e brezhoneg ivez: kavout a reot e destenn evit un tamm, warlerc'h ar video.

  Diskan: Glizhennit, Neñvoù diwar laez, glavennit koumoul ar yon !
 
N’it ket e konnar, C’Hwi Arloz, diskounit hiviziken hon fallagriezh, setu deuet Kêr ar Sant da vezañ dilezet, Sion zo bet dilezet, Jeruzalem zo glac’haret, annez ho santelidigezh deoc’h-C’Hwi ha hini ho klod, an ti ma voec’h meulet-C’Hwi gant hon tadoù.
 
Pec’het hon eus, ha deuet da vezañ hañval ouzh an dic’hlan, Setu ni kouezhet gwitibunan e-giz un delienn : ha gant hon fallagriezhoù, omp bet skubet evel gant ar gwent ; kuzhet eo bet ho tremm ganeoc’h ouzhimp-ni ha bruzhunet omp bet dindan he c’hrabanoù gant hon falloni.
 
*
Pour être informé des derniers articles, inscrivez vous :
Commenter cet article